8/126
第７章でぃある
1981年4月上旬。
ゆーどぅ晴りたい゜日ぬくとぅ。
くぬ日、Ｋ小学校んかい新一年生が入学しーきぃ゜すぃ゜たい゜。
体育館どぅ新入生ちゃーんぬ入学式が挙行すーりたい゜あとぅ、校庭し記念撮影ぬあい゜たい゜。
ちょうどぅ休む゜時間やたい゜児童ぬきゃーや、興味津々（きょうみぃ゜すぃ゜んすぃ゜ん）しみい゜かいばどぅ小さな仲間ぬきゃーゆ眺みうたい゜。
・・・うぬ中んかい、良作ぬ姿まいあい゜たい゜。
のーてぃーかくぬ日、妙ぬ胸騒ぎぃ゜ぬようなむぬゆうぶい、い゜つぃ゜むくむりうたい゜図書室ゆ抜き出すぃ゜、新一年生ぬう披露目ー見ーみーでぃてぃー思い゜立つぃ゜たい゜ぬやたい゜。
写真撮影んかい臨む゜児童ぬきゃーや、一様にぃ゜みぃ゜な緊張ぬ面持つぃ゜でぃあったが、うぬ中んかい、ひとぅきぃ゜ば良作ぬみーゆ引きぃ゜たい゜みどぅむ゜やらび児童ぬひとぅい゜うい゜たい゜。
（・・・かなすぃ゜ーかなすぃ゜！）
我ゆばすぃ゜きうぬっふぁんかい見とぅりうたい゜良作がふとぅ気ずぃ゜きぃ゜とぅ、うぬっふぁとぅみーぬ合ーたい゜。
すぃ゜るとぅ、彼女ー天使ぬような笑顔ゆ良作んかい見しふぃーたい゜ぬやん。
良作ー、どぅーゆい゜四学年下ぬくぬみい゜後輩んかい、一瞬どぅ参（まい゜）りにゃーん。
（のーやん、くぬ感覚ー・・・！）
・・・生まり初みてぃ味わー、恋心。
あすぃ゜が、良作んかえー、ういが「初恋」てぃーあびらいい゜むぬやんでー、うぬとぅきぃ゜ーまだ分かりうらったん。
ただあつぃ゜想い゜・・・のーか分からんすぃ゜が、体中ゆ貫きぃ゜、電流ぬような衝撃・・・。
現実んかいみーぬまいんうい゜ぴぃ゜とぅー好きぃ゜んかいない゜・・・あんちぬ衝撃的な事件でぃあった。
