表示調整
閉じる
挿絵表示切替ボタン
▼配色
▼行間
▼文字サイズ
▼メニューバー
×閉じる

ブックマークに追加しました

設定
0/400
設定を保存しました
エラーが発生しました
※文字以内
ブックマークを解除しました。

エラーが発生しました。

エラーの原因がわからない場合はヘルプセンターをご確認ください。

ブックマーク機能を使うにはログインしてください。
18/126

第17章でぃある

 良作がふらふらとぅ校庭ゆあい゜きぃ゜。


 やがてぃ、鉄棒んかいむたりかかい゜美絵子ぬ姿ぬ見いきぃ゜すぃ゜たい゜。良作んかい気ずぃ゜きぃ゜とぅ、い゜つぃ゜むぬようにぃ゜笑顔し駆き寄りきぃ゜すぃ゜。のーてぃーか、うぬ両目ぬ赤ー赤。


 良作がどぅるんとぅっすぃ゜たい゜視線ゆ美絵子んかい向きたい゜瞬間・・・つぃ゜い゜にぃ゜「魔物まむぬ」が良作ぬ肩んかい舞い゜降い゜たい゜ぬいでぃい゜。


 かいぬ心中し、のーか大きぃ゜な「変化」がうきたい゜ぬやん。


 うりゃー・・・ゆーどぅ意地(い゜ずぃ゜)が悪ふ、ドスっふ感情やたい゜。


 くぬとぅきぃ゜良作ぬきぃ゜むんかえー、「のーか悩みうい゜かじふうゆ見し、きむんかい巻きぃ゜、困らしふぃーでぃ」とぅか、


 「近ずぃ゜ききぃ゜すぃ゜つぃ゜かー視線ちゃーん送り無視すぃ゜てぃやらでぃ」


 などぅてぃーあい゜、下劣(ぎりつぃ゜)しサディスティックな考いぬ浮かびきぃ゜すぃ゜たい゜ぬでぃある・・・!


 美絵子がい゜つぃ゜むぬようにぃ゜笑顔してぃーゆつぃ゜ながでぃとぅっすぃ゜とぅ、うりゅー乱暴にぃ゜払ーぬき、まるでぃ「っしゃなむぬ」やらーまい見ーい゜ような視線ゆ美絵子んかい送い゜たい゜ぬでぃある。


 すすぃ゜てぃ、芝居(っすぃ゜ばい゜)ったっぷい゜んかいうなだりがつぃ゜などぅーが教室んかい向こーたい゜。


 美絵子ー、良作んかいてぃーゆ払あーりたい゜瞬間、びぃ゜ふっとぅしー思ばずぃ゜後ずぃ゜さい゜っすぃ゜たい゜。


 彼女んかえー、のーがうきたい゜ぬか理解でぃきぃ゜ったん。


 ただ呆然ぼうじんとぅすぃ゜てぃ、良作ぬ後る姿ゆ見送い゜しかにゃーったん。


 ☆  ☆  ☆  ☆  ☆


 昼休みぃ゜んかいない゜とぅ、良作ーまた美絵子ぬ元んかい。


 すすぃ゜てぃ、中休(なかやすぃ゜)みぃ゜とぅ全ふ同ずぃ゜仕打つぃ゜う美絵子んかい。


 「りょうさふふん、のーがぬばっぱいさぁに?」


 あんちぬ表情し近ずぃ゜きぃ゜美絵子ゆ、良作ーまたまいぴぃ゜ぐるふ突きぃ゜放すぃ゜たい゜。


 二度目とぅない゜つぃ゜かー、んや「ばっぱい」やらーまい「一時(い゜っとぅきぃ゜)ぬ気ぬ迷い゜」やらーまいのーやらーまいにゃーん。


 ・・・明らかにぃ゜良作ぬ「故意こーく」やたい゜。


 どぅーぬ良作からあんちぬぴぃ゜ぐる仕打つぃ゜うすーれい゜うぶいぬまったふない゜美絵子ー、ふつぃ゜う真一文字(まい゜つぃ゜むんずぃ゜)んかいぎゅっとぅむすぃ゜びぃ゜、あかーあかぬみーでぃうらみすぃ゜ぎなりー良作ぬ後る姿ゆ見送い゜たい゜。


 ☆  ☆  ☆  ☆  ☆


 ういからあとぅぬ良作ぬ記憶ーふとぅんどぅにゃーん。


 ただぴぃ゜てぃつぃ゜ちゃーん・・・下校時んない゜とぅ毎日毎日良作ぬくとぅー待ちふぃーうたい゜美絵子ぬ姿ぬ、くぬ日ー校庭ぬんざんかいまいにゃーったん。


 良作ー、どぅーぬのーばしーしー帰宅っすぃ゜たい゜ぬかしぇー、うぶいうらったん。


 かいが、心配しー途中どぅ美絵子ぬやーんかい立つぃ゜寄い゜、彼女ゆたずぃ゜ねい゜・・・あんちぬ記憶まいむつぃ゜るんにゃーったん。


 気ぬつぃ゜きぃ゜とぅ、すぃ゜とぅむてぃんなりうたい゜。

評価をするにはログインしてください。
ブックマークに追加
ブックマーク機能を使うにはログインしてください。
― 新着の感想 ―
このエピソードに感想はまだ書かれていません。
感想一覧
+注意+

特に記載なき場合、掲載されている作品はすべてフィクションであり実在の人物・団体等とは一切関係ありません。
特に記載なき場合、掲載されている作品の著作権は作者にあります(一部作品除く)。
作者以外の方による作品の引用を超える無断転載は禁止しており、行った場合、著作権法の違反となります。

この作品はリンクフリーです。ご自由にリンク(紹介)してください。
この作品はスマートフォン対応です。スマートフォンかパソコンかを自動で判別し、適切なページを表示します。

↑ページトップへ