第２章でぃある
ばが両親ー立派ぬどーう゛ぬきゃー買いふぃーったんから、ばーやーどぅーが収集ゆ、古い゜潰りたい゜ボール紙ぬぱくんかいすぃ゜まいうかにばならったん。
びぃ゜んぬ栓から切い゜抜きぃ゜たい゜まーくキルクゆすくんかい貼い゜付き、ピンゆういんかい留みたい゜。
こうすぃ゜たぱくぬ潰りたい゜壁ぬ間んかい、ばーやーどぅーが宝物ゆすぃ゜まいうたい゜。
初みぬうつぃ゜、ばーやーどぅーが収集ゆ喜びたびぃ゜たびぃ゜仲間んかい見したい゜が、他ぬむのーガラスぬ蓋ぬあい゜木箱や、緑色ぬガーゼゆ貼い゜たい゜飼育箱や、すぬ他ぜい゜たふぬむぬゆむちうたい゜ぬでぃ、どぅーが幼稚ぬ設備ゆ自慢っすぃ゜くとぅぬきゃーでぃきぃ゜ったん。
すりどぅくるか、重大でぃ、評判んかいない゜ような発見物や獲物ぬありゃーまい、ない゜しょんかいっすぃ゜、どぅーがみどぅむ゜うとぅとぅぬきゃーちゃーぬんかい見せい゜習慣んかいない゜たい゜。
あるとぅきぃ゜、ばーやー、ばんたがとぅくましぇー珍すぃ゜い゜あうコムラサキゆ捕れーたい゜。
うりゅー展翅っすぃ゜、乾きぃ゜たい゜とぅきぃ゜ん、得意ぬあまい゜、しみてぃとぅない゜ぬやらびんかいだけー見しでぃ、てぃーあい゜気んかいない゜たい゜。
うりゃー、中庭ぬ向こうんかい住みうい゜しんしーがびきっう゛ぁやたい゜。
くぬびきやらべー、非ぬうつぃ゜どぅくるがにゃーんてぃーあい゜悪徳ゆむちうたい゜。
うりゃーやらびとぅすぃ゜てー二倍まい三倍まいっしゃな性質やたい゜。
かいぬ収集ーいみふ貧弱やたい゜が、くぎぃ゜れい゜なぬとぅ、手入りぬ正確ぬ点しぴぃ゜てぃつぃ゜ぬ宝石ぬようなむぬんかいなりうたい゜。
かりゃーすのうい、痛んだい゜壊りたい゜っすぃ゜たい゜ぱびい゜ぬ羽ゆ、にぃ゜かばし継ぎぃ゜合ばすぃ゜てぃーあい゜、非常にぃ゜みずぃ゜らすぃ゜技術ゆ心得うたい゜。
とぅにぃ゜かふ、あらゆる点でぃ、模範びきやらびやたい゜。
うぬたみ、ばーやー妬む゜、嘆賞っすぃ゜がつぃ゜なかいゆ憎みうたい゜。
くぬびきやらびんかいコムラサキゆ見したい゜。
かりゃー専門家らすぃ゜ふうりゅー鑑定っすぃ゜、うぬみずぃ゜らすぃ゜くとぅー認み、二十ペニヒばかーい゜ぬ現金ぬ値打つぃ゜ーあい゜、てぃー値踏みぃ゜っすぃ゜たい゜。
あすぃ゜がういから、かりゃー難癖ゆつぃ゜きぱずぃ゜み、展翅ぬ仕方が悪い゜とぅか、んぎぃ゜ぬ触角ぬ曲がりうい゜とぅか、ぴぃ゜だい゜ぬ触角ぬんびうい゜とぅかあい゜、すのうい、ぱぎぃ゜ぬ二本欠きうい゜てぃーあい゜、むっとぅむな欠陥ゆ発見っすぃ゜たい゜。
ばーやーうぬ欠点ゆたい゜すぃ゜たむぬてぃーや考いったんが、くっぴぃ゜どぅ批評家ぬたみ、どぅーが獲物にぃ゜対すぃ゜る喜びぃ゜ーゆかい゜傷つぃ゜きらりたい゜。
すりでぃばーやー二度とぅかいんかい獲物ゆ見しったん。
